上海小吃美食价格交流组

胡杏儿怀孕7个月 丧嗌60只上海出名小笼包

陪你看港剧 2018-06-12 12:32:43

人话女人最靚嘅时候,就系结婚同怀孕,其实怀孕嘅女人除左特别靚之外,仲会特别好胃口㖭,点解,一个人要食两个人嘅份量㗎嘛!唔信,你睇怀孕7个月嘅胡杏儿就知啦!


呢位準靚妈杏儿,之前就同佢嘅「胡说八道会」嘅好姊妹胡定欣、姚子羚、胡蓓蔚、黄智雯、李施嬅,一齐飞去澳洲帮大台拍摄旅游节目,真系可以寓工作於娱乐!拍完旅游节目后,杏儿仲未停工养胎,o依家又飞左去上海,為佢有份拍摄嘅大陆新剧《那年花开月正圆》宣传,而佢老公李乘德(Philip),亦好体贴咁飞埋去上海陪老婆。


今日佢就喺ig分别贴出食上海好出名嘅「佳家汤包」小笼包,同煎上海菜肉云吞,两张相相隔嘅时间只系几小时,时间并唔重要,单看相中就见到五笼唔同口味嘅小笼包,每笼都有一打小笼包,合共六十隻,连Philip亦留言话:「This is what happens when you leave the ordering to your pregnant "I want to taste different flavours" wife......(如果你俾你想试唔同口味嘅怀孕老婆去落单嘅话, 就会发生这些事。)」就系咁,杏儿就点到成枱都系小笼包喇!大家又不如一齐估下,一个人食两个人份量嘅杏儿会食几多隻呀!


Copyright © 上海小吃美食价格交流组@2017