上海小吃美食价格交流组

全广州最销魂嘅化州清汤牛杂煲,人均只要20蚊,难怪咁多人开车都要嚟食!!

羊城生活圈 2018-09-11 08:03:37


文/豆丁妹 | 摄影/壹蚊鸡


番禺有间化州特色的炭炉牛杂煲!听闻日日爆场,即刻Call齐马吃吃吃,最正宗嘅化州牛杂煲,最地道嘅露天炭炉风味,食过翻寻味!!

唔去唔知道,一去吓一跳。虽然呢到个门口唔係好抢眼,但係大大只“同捞同煲”嘅招牌同睇到门口咁汹涌嘅人潮,已经讲明我冇嚟错地方啦!

唔止门口,就连室内都坐到满一满。睇餐厅环境就知道,呢到係地道嘅露天炭炉风味,难怪咁多人开车都要过嚟食嘢啦。

如果你问我点解呢到咁火爆?听老细讲,呢到咁火爆嘅原因係佢哋使用嘅食材全部係上等黄牛,唔单只处理牛杂费时,而且为做到更风味,特意係化州学师,做出最正宗嘅化州牛杂煲。除左材料够晒靓之外,呢到食嘢仲超级亲民,人均20蚊就已经可以食到搓肚皮,你话点会唔多人啊?


呢到食牛杂煲够晒风味,因为呢到用最传统嘅沙煲,炭炉嚟打煲。


沙煲炭炉用来打锅,会特别香!无论咩时节,都啱晒三五好友嚟食一餐,露天场地,特别嘅氛围,围埋一齐,同捞又同煲真係够晒过瘾!


事不宜迟,快D落单先!!

招牌牛筋腩牛肚锅

牛肚、牛筋腩、萝卜,加埋用牛骨同药材慢熬几个钟头嘅清汤,搭埋一齐真係好夹。你唔好睇少呢煲清汤,佢係店家秘制,用牛骨牛肉等材料慢炖几个钟,味道绝对没法挡!食肉前不妨先饮翻啖汤啊,够晒醒胃。


分量十足,牛筋腩同牛肚焖得够晒火候,够晒入味!

牛筋腩两边有筋,中间係肉,食落口感滑而甘香,好嫩滑入味。

千万唔好唔记得锅入面嘅萝卜啊!佢吸收晒牛煲嘅精华,食起身好滋味哦。


牛杂锅

牛肠、牛肚、牛肺、牛膀、萝卜,加埋起身分量够晒十足,牛杂焖得够火候,好入味!萝卜铺底,上面放满大块的牛杂,满满嘅一煲,斋睇就已经搞到小伙伴流晒口水啦!


係出边牛杂煲,食到牛肠、牛肺好正常,但係有咁足料嘅牛膀食,係广州真係搵唔到几多间。你睇下D牛膀,块块食起身都够晒入味,因为係用清汤打煲,所以食起身都唔会觉得滞口。


仲有鲜嫩爽口嘅牛肚係煲入边。

金钱肚牛俐锅

百搭牛俐、金钱肚、萝卜,加埋用牛骨和多种药材慢熬出嚟嘅清汤,食起身清淡得来带有滋补嘅药材味,而且牛俐金钱肚件件都好厚身,一啖汤一啖肉,食起身都特别满足。


爽口十足嘅金钱,唔单只大块,而且仲好厚身,食起身嘅爽劲,绝对係其他地方食唔到。


百搭嘅牛俐绝对係整个煲中豆丁妹嘅至爱,厚厚嘅一块,食起身够晒嚼头。而且牛俐仲吸收咗汤同其他材料嘅精华,所以食起身好够味道。

食牛杂锅,又点可以只食煲入边嘅材料呢,当然要点下其他嘢食先得啦!

牛脊髓

呢到有安中益气、健脾养胃、强筋壮骨嘅牛脊髓食,食起身够晒滋补,而且味道仲好唔错添!


牛百叶

够晒爽口嘅牛百叶,打火锅绝对唔可以错过。

牛蹄筋

中意食滑爽酥香,味鲜口利嘅你,又点可以唔点药用价值超高嘅牛蹄筋呢。

当然唔少得要点打锅必备品——炸支竹面筋啦!两样材料夹著牛杂汁嘅浓香味,食起身绝对係精品中嘅精品。

食呢到嘅正宗牛煲,记得要点店家化州正宗土榨香油嚟食,食落别有一番风味,而且够晒香,果种味道绝对比出面食到嘅油靓好多。(左为香油,右为花生油)


笋嘢益街坊

优惠一:

凡晚上18:30前埋单离座可享9折优惠!

优惠二:

逢星期一到星期五午市可享受9折优惠!

备注:活动时间2015.4.30止,酒水餐具及公众假期不参与此活动。

优惠三:

只要到店参与活动,即送牛杂一份!送嘅都咁大份,无得弹,只要你敢来,就敢送!(可与打折同时使用!)



大大煲嘅牛杂加上晒点,食到搓肚咁走,人均都只不过係20蚊!係今时今日嘅物价,又有几多间餐厅可以做到啊!更何况呢到出品超用心,真係开车过嚟食都抵啊!难怪咁多开豪车嘅食客过嚟食啦!


同捞同煲

人均:20元
地址:市桥二桥南堤东路12-16号铺(古堤雅轩后)

电话:020-84638889 18928990370

营业时间:11:00-14:30 16:00-10:30

自驾路线:
1、市桥往沙湾大桥方向下,二桥右转入南堤东路30米即到
2、广州往市桥→华南快速干线→番禺大桥出口→番禺大道(迎宾路一直行至市桥二桥,下二桥转入南堤东路30米即到)15分钟左右
地铁路线:
三号线番禺广场A出口,出站后可搭乘番141短线巴士到好又多(番禺大道)站落,再直走几百米即到;也可直接打车或者摩的,5分钟左右

见到呢个牌之后,想左转。


行大概5米,你就会见到“同捞同煲”嘅店铺招牌啦!行入去拿位就食得啦!


Copyright © 上海小吃美食价格交流组@2017